Осигурувањето може да се склучи и да биде валидно и за време на престој на осигуреникот во странство, но исклучиво само доколку осигуреникот ја продолжи својата полиса за осигурување најдоцна 24 часа пред истекот на претходната полиса, односно 24 часа пред истекот на последниот ден од неговото покритие.

Со семејно осигурување на патници за време на патување и престој во странство со една полиса може да се осигураат најмалку две лица кои патуваат заедно вклучувајќи брачни или вонбрачни партнери и нивните деца со навршени најмногу 18 години старост.

При склучување на онлајн патничко осигурување за малолетно лице, во делот на осигуреник внесете ги сите потребни податоци за корисникот на осигурувањето односно за малолетното лице, а во делот на договарач внесете ги податоците од лицето кое во име и за сметка на малолетното лице го склучува осигурувањето.

Со групно осигурување на патници за време на патување и престој во странство, со една полиса осигурена е група на луѓе (најмалку 10 лица) кои патуваат заедно.

Да, само со фиксен период на покритие осигурувањето може да биде склучено и со лична карта.

Полиса за лица над 75 години, може да се издаде исклучиво во дирекцијата на Триглав по претходно одобрение од Секторот за развој, оцена и преземање на ризици во Триглав Осигурување.

За овие осигуреници важат следниве услови:

При склучување на онлајн осигурување, полисата ќе ја добиете на вашата е-адреса. Истата може да ја испечатите или да ја прикажете од вашиот уред.

Во случај кога не сте во можност да ја добиете асистентската куќа преку телефонски повик, може да се одберат опциите за помош во странство преку онлајн повик или да се пополни онлајн апликацијата каде може да го пријавите вашиот случај. За повеќе информации кликнете на следниот линк.