Промена што се чувствува

За поединецот. За заедницата. За иднината.

Втората сезона на Триглав Зелена Лига инспирира еколошка промена и создава нови навики за поздрав, поисполнет и поодговорен живот. Ги спојува личната мотивација, грижата за животната средина и корпоративната одговорност. Овојпат, со уште поголеми амбиции, поширок опсег и подлабоко општествено влијание.

Нашата мотивација е едноставна: промената е неизбежна, важна и почнува од сите нас. Веруваме дека секој мал чекор – пешачење до работа, избор на здрава храна или предизвик за еко-акција – има моќ да предизвика голема трансформација. Триглав Зелена Лига е наш начин да ја поттикнеме таа промена – заеднички, одговорно и инспиративно.

Оваа сезона ја прошируваме нашата визија со повеќе предизвици  и продлабочен фокус на целокупната благосостојба на учесниците. Остануваме верни на нашата главна мисија – заштеда на 365 тони CO₂, преку охрабрување на алтернативни начини на движење: пешачење и возење велосипед. Но овојпат, Триглав Зелена Лига е многу повеќе.

Што вклучува Триглав Зелена Лига vol.2?

✅ Еден главен предизвик – заштеда на 365 тони CO₂, со замена на автомобилот со пешачење и возење велосипед.

✅ 12 месечни предизвици – фокусирани на одржливост, физичко и ментално здравје, здрава исхрана, активен начин на живот и општествена одговорност.

✅ Соработка со експерти од различни области, кои ќе понудат едукативна и практична поддршка.

✅ Интеракција и ангажман – активности, кои што ги мотивираат учесниците да се движат, да соработуваат, да учат и да се натпреваруваат.

✅ Мерење и видливост – транспарентен дашборд за следење на напредокот и заедничките резултати во намалувањето на CO₂.

✅ Награди и признанија – секој месец ги наградуваме поединците, кои постигнале најдобри резултати во изминатиот месец, а главната награда ќе ја добие тимот, кој ќе има најголем придонес во реализација на предизвикот.

*Напомена: Еден поединец може да добие награда за Еко-херој најмногу 3 пати во текот на годината.

Триглав Зелена Лига значи шанса за развој на нови, здрави навики, лична мотивација и чувство дека сме дел од нешто поголемо. Таа е можност за реална поддршка на ESG целите, зајакнување на тимскиот дух и промоција на општествена одговорност.

Како да се приклучите во Триглав Зелена Лига?

Многу едноставно. Потребни се само неколку чекори:

• Пријавете го своето учество на следната форма
• По пријавата (најдоцна до 1 час) ќе добиете линк, преку кој што ќе треба да го комплетирате вашиот кориснички профил. Доколку немате добиено маил за потврда, проверете за секој случај во junk/spam/promotions, бидејќи мејлот е можеби таму пристигнат.
• Направете download на новата апликација Challenger (од Google Play или App store).

Бидете дел од промена, што се гледа и чувствува

Придружете се на Триглав Зелена Лига и бидете амбасадори на промена, кои, не само што го намалуваат сопствениот еколошки отпечаток, туку ја менуваат корпоративната култура во правец на одржливост и здрав животен стил.

Вашата компанија ќе биде видлива на нашата платформа, со можност да го споделите својот напредок, искуства и резултати. Заедно ќе градиме заедница на одговорни, активни и посветени поединци.

Промената е неизбежна. Важна. И почнува од сите нас.

Бидете дел од втората сезона на Триглав Зелена Лига – затоа што секој чекор значи.