start portlet menu bar end portlet menu bar
start portlet menu bar end portlet menu bar
start portlet menu bar end portlet menu bar

Пријавете осигурен случај по доброволно приватно здравствено осигурување онлајн

Едноставно, брзо и безбедно од удобноста на вашиот дом.

Услугата за онлајн пријава на осигурен случај по доброволно приватно здравствено осигурување преку OneID е достапна за клиентите на Триглав Осигурување од 1-ви април, 2024 година.

За да пријавите осигурен случај онлајн, потребно е да имате креиран кориснички профил на апликацијата OneID, со кој што се овозможува ваша лична електронска идентификација. Електронската идентификација е најсовремено дигитално решение со високо ниво на доверливост, со кое што можете да се идентификувате и дигитално да потпишувате документи со својот електронски потпис. Трошоците за креирање и користење на овој профил во потполност ги покриваме ние. OneID профилот можете да го креирате на вашиот мобилен уред, со преземање на мобилната апликација OneID, каде што можете да го погледнете и упатството за креирање на профилот.

*OneID услугата е обезбедена од регистриран Давател на доверливи услуги и Давател на услуги за електронска идентификација.


Платформата за пријава на осигурен случај можете да ја користите кога имате потреба од рефундација или гаранција на средства за медицински услуги за коишто имате покритие согласно склучениот договор за осигурување.

Процесот на пријава е исклучително едноставен:

  1. Пристапувате до платформата за пријава на осигурен случај;
  2. На платформата се најавувате со Вашиот електронски идентитет креиран преку OneID, откако сте се регистрирале и сте креирале OneID профил;
  3. Го избирате датумот на осигурен случај (датумот на користење на здравствена услуга);
  4. Ја прикачувате соодветната медицинска и останата документација, која што  е потребна за обработка и решавање на осигурениот случај;
  5. Процесот на пријава завршува со генерирање на образец за пријава, кој што едноставно дигитално го потпишувате;
  6. Добивате електронска порака со број на пријавата на осигурен случај  и линк, кој што ве води директно до неа;
  7. Во случај кога ќе бидете контактирани од Триглав Осигурување со барање за достава на дополнителна документација за отворената пријава на осигурен случај, можете да пристапите преку истиот линк и да ги испратите бараните документи.


Бидете во тек со процесот на решавање на вашето барање — можете да добиете информација за статусот кога сакате и да имате увид во документацијата којашто сте ја потпишале и поднеле.

Доколку не успеете да направите онлајн пријава за надомест на трошоци по здравствено осигурување, можете да поднесете пријава со физичко присуство во просториите на Триглав Осигурување или преку доставување на документите по пошта.

Пријавете осигурен случај
Пишете нѝ
Побарајте застапник
Локации и контакти
start portlet menu bar end portlet menu bar

Пријава за надомест на трошоци

Пристап до апликацијата
Пристап до апликацијата
Побарајте помош
Побарајте помош
start portlet menu bar end portlet menu bar

Најчесто поставувани прашања

Дали моите лични податоци се безбедни со OneID?

Да, вашите податоци за идентификација се сосема безбедни со OneID.

OneID е мобилна апликација која нуди можност за електронско потпишување и електронска идентификација на физички лица со највисоко ниво на сигурност.

Оваа услуга е обезбедена од Кибс АД Скопје, којшто е регистриран Давател на доверливи услуги и Давател на услуги за електронска идентификација.

Дали клиентите ќе имаат проблем при регистрација на електронски идентитет со документи за лична идентификација со валиден рок, но со старото име на државата.

Доколку документот е со валиден рок на важност, клиентите можат да регистрираат дигитален профил на OneID. Можни се проблеми при верификување на лични карти на стари обрасци, во кој случај клиентот потребно е да се обрати на KibsTrust кој е давател на оваа услуга. Контактите на KibsTrust се е-адреса: helpdesk@kibstrust.com, тел:  02 5513 444.


Што е потребно за да се креира електронски идентитет на OneID?

За издавање на Ваша електронска идентификација - OneID Ви се потребни:

  • Мобилен уред кој поддржува биометриска автентификација
  • Валидна e-mail адреса
  • Мобилен телефонски број (само македонски мобилни броеви)
  • Валидна лична карта или пасош

Напомена: Пред да ја започнете постапката активирајте ги опциите за биометриска идентификација на мобилниот уред (препознавање на лице и отпечаток од прст).

 Чекор 1: Инсталација на мобилната апликација OneID на Вашиот мобилен уред преку AppStore, Play Store или App Gallery, зависно од видот на Вашиот мобилен уред, или преку линкот поставен на веб страницата www.oneid.mk.

Чекор 2: Пополнување на форма за регистрирање на OneID  и давање на согласност за обработка на личните податоци. Прифаќање на условите за користење на услугата и Политиката на приватност. „Регистрирај се“.

Чекор 3: Потврдување на e-mail адресата преку внес на верификацискиот код добиен на истата.

Чекор 4: Најава со корисничкото име и лозинка внесени при регистрацијата.

Чекор 5: Далечинска верификација на идентитетот на физичкото лице. Процесот подразбира автоматизирано утврдување на идентитетот преку фотографирање на документ за лична идентификација (лична карта или пасош), правење на профилна слика (selfie) и видео во живо. После успешната верификација на идентитетот, се преминува кон активација на OneID, генерирање и преземање на квалификуваниот сертификат.

Чекор 6: Активација на OneID и преземање на квалификуваниот дигитален сертификат.


Дали можам да извршам пријава на осигурен случај за член на семејството?

Да, можете да пријавите осигурен случај од доброволно приватно здравствено осигурување, но само за малолетно лице кое е член на вашето потесно семејство.

Според Законот за заштита на лични податоци, медицинската документација претставува посебна категорија на чувствителни лични податоци, не е овозможено полнолетно лице да пријавува осигурен случај по доброволно приватно здравствено осигурување за друго полнолетно лице.


Како да пристапам и како да се најавам на апликацијата за пријава на осигурен случај по доброволно приватно здравствено осигурување на Триглав?

На апликацијата за пријава на осигурен случај по доброволно приватно здравствено осигурување можете да пристапите преку линкот Триглав Осигурување (triglav.mk), се најавувате со внесување на корисничко име (e-mail) и лозинка кои сте ги креирале на OneID апликацијата за да регистрирате Ваш електронски идентитет.


Дали има разлика во начинот за пријава на осигурен случај, односно барање надомест и начинот за барање на гаранција?

Секако постои разлика. За доставување на барање за гаранција за одредена здравствена услуга, најпрво го пополнувате Образецот за барање на гаранција кој може да го најдете на линкот Барање за издавање на гаранција ДЗО - web (triglav.mk) .

  • Во полето Датум на користење на здравствена услуга се внесува датумот од медицинскиот документ кој го прикачувате.
  • Во полето Медицинска документација го прикачувате медицинскиот документ со препораката за која што барате гаранција за здравствена услуга. 
  • Во полето Останато го прикачувате пополнетиот Образец за барање на гаранција.


Дали има друг начин за пријава на осигурен случај освен преку дигиталната платформа?

Секогаш е достапна опцијата за пријава на осигурен случај на шалтер во експозитурите на Триглав Осигурување низ земјата секој работен ден од 08:00 - 16:00 часот или по пошта на адреса: Бул. 8-ми Септември бр.16 (поранешен комплекс Ми-Да).

Рокот за пријава на штета по доброволно здравствено осигурување е 90 дена.


start portlet menu bar end portlet menu bar

ДИГИТАЛНА АПЛИКАЦИЈА ЗА ПРИЈАВА НА ОСИГУРЕН СЛУЧАЈ

ОПШТИ УСЛОВИ ЗА УПОТРЕБА НА ДИГИТАЛНА АПЛИКАЦИЈА ЗА ПРИЈАВА НА ОСИГУРЕН СЛУЧАЈ

start portlet menu bar end portlet menu bar



Политика за приватност
Дознајте повеќе
Корисничко упатство
Дознајте повеќе
start portlet menu bar end portlet menu bar